百家寶親子網

一站式家長日誌

親子網的湧現是提供一個平台讓家長交流。去年底成立的「百家寶」短短半年已有八千人登記。她不以討論區作主打，而是創新推出家長日誌、專家意見、甚至搞活動、出故事書、季刊等。創辦人劉雪文（ Michelle）話希望家長能彈指間處理及了解所有育兒資訊，將來，更不只是網站，而是一整個親子集團包辦一切和育兒有關的服務。

試想想，做父母每年為子女搞 N項活動或派對時，都要打一大串電話訂餐點、搵場地、搞佈置等，極易掛一漏萬。 Michelle：「現在很多父母都要上班，不單約人打電話和結束後曬相畀人都好煩，所以特別設計網上『家長日誌』，希望父母只係用一個 Lunch嘅捱麪包時間就可以上網搞掂晒。」此日誌就像時下流行的 Facebook，可以選日子向朋友群發邀請，然後再從網上選擇場地、食物、玩具等功能，聯繫到日誌內家長便一目了然。到活動完畢後寄回感謝卡及發相，可謂一站式搞定。
除家長推崇的日誌服務外，網站另一特色是邀請不同專家為 0-12歲小朋友各種發展寫下專業文章，亦不時邀請他們舉行講座，跟其他齋 Talk的討論區亦有好大分別。

除每月最少一個 Workshop，還有去年的聖誕慈善音樂會。

就連活動的茶點也精心挑選，如有機餅乾及飲品。

在家設 Home Office以便照顧囝囝。 Michelle的親子網竟可以是盤集團生意！

網站所有產品兩母子都試用，如新產品 Neuroacademi Bit Cards。

最開心有學校要求將《百家寶》季刊放入學生書包。

有感市面講人生觀的兒童圖書較少，故她投資出本土兒童圖書。

囝囝做白老鼠

網站兩大特點滿足家長需要，曾從事市場策劃及開音樂學校的 Michelle，為了囝囝便辭去工作，亦因為囝囝而生 Home Office念頭，在開創網站之初，就鎖定中產階層為目標， 3歲囝囝 Markus更是她發展網站的主力測試員。「開音樂學校嗰陣就知道做生意唔可以貪心要有 Focus，中產係指消費力，家長必然會為子女安排最好嘅嘢，所以我搵嘅專家都係要有知名度。至於服務同產品，我就會親自試過先放上網，仲會帶埋 Markus去試，因為小朋友嘅反應最真實。」


多元化橫向發展

現公司約十個員工，她主力推廣，老公則負責網站設計等 I.T部份。除保持網站最新資訊外，還出版故事書、季刊及定期活動， Michelle亦會寫 Blog和家長分享心得，並將其他和小朋友有關的內容連結於網站，橫向發展成一個集團。「網站只係一個開始，其他好似季刊希望家長睇完會 Keep做天書。每年又會搞三、四個可容一、二千人嘅大型活動。總之，我希望將來發展成育兒集團，只要一 Click上去想要咩小朋友資訊都搵到，咁就係我最終目標。」

網站連接:
http://peegaboo.com/index.php?page=content/news〈=zh-tw

ｅｄｄｙｗｏｎｇ：全新思維的網站，能脫離流行的論壇形式而選擇日誌，並充分利用網絡上的各種功能去實現現實的活動．很好的想法啊！